Жаңалықтарды Telegram арнамыздан оқыңыз!
Түркі мемлекеттері ұйымына мүше елдер арасында әлеуметтік салада әріптестік артады. Стамбұл қаласында өткен осы салаға жауапты министрлердің бірінші жиынында тиісті келісімге қол қойылды. Мамандар кейінгі жылдары әлсіреп бара жатқан отбасы институтын күшейтуге, отбасының рөлін арттыруға бағытталған түрлі жобаларды қолға алуға уағдаласты. Сондай-ақ, Түркі ұйымына мүше мемлекеттердің министрлері осы жиында отбасының әрбір мүшесіне қарсы зорлық-зомбылықтарды болдырмау және оған қарсы бірлесе күресу мәселесін де талқылады. Жылына бір рет өтетін әлеуметтік сала министрлерінің кезекті отырысы Әзербайжанда ұйымдастырылатын болды.
Айдос Әшімұлы
