Малайзия Қазақстанмен халал-индустрия саласында сауда көлемін арттырмақ

Малайзия Қазақстанмен халал-индустрия саласында сауда көлемін арттырып, ынтымақтастық орнатуға бейілді. Бұл туралы Малайзияның дін істері жөніндегі министрі «Ақорда» арнайы жобасына берген сұхбатында айтты. Мохд Наим Бин Мохтар Малайзияда халал сертификаты бар өнімдерге сұраныс жоғары екенін жеткізді. Сонымен бірге делегация құрамындағы әріптестерінің білім, қаржы саласында да нақты ұсыныспен келгенін атап өтті. Тағы қандай ұсыныс айтылды? Жексенбі күні 20:50-де«Ақорда» арнайы жобасынан көріңіздер.

Мохд Наим Бин Мохтар, Малайзияның дін істері министрі:

Біз бизнес-форумға да қатысып, Қазақстанмен бірлесіп іске асыратын жобалардың келешегін нақтылауымыз керек. Өзара қарым-қатынасты жақындата түсуге бұл сапардың маңызы зор. Әрі жаңа табыс көзі бар жобалар екі ел үшін де табысты болады деп сенемін.

Ақерке Бектас