Қостанай облысында тасқыннан зардап шеккен кәсіпкерлердің шығыны есептеліп жатыр

Қостанай облысында су тасқыны кезінде бизнес субьектілері 7 млрд теңгеден астам шығынға батқан. Шығын әлі есептеліп жатыр. Аймақтық комиссияға кәсіпкерлерден залалды өтеу туралы 224 өтініш түскен. 28 бизнес нысаны тексеріліп, оның үшеуіне бағалау қортындысы берілді. Шығынды есптеу мен өтемақы төлеу жұмысы нақты қай кезде аяқталатыны әзірге белгісіз.

Ренат Дәулетбаев, облыстық кәсіпкерлер палатасы директорының орынбасары:

Есептеу құжаттарының 1500 беттен де асатындары да бар. Яғни шығынды анықтау, есептеу кезең-кезеңімен жүретін өте күрделі жұмыс. Әрине барынша жылдамдатуға тырысамыз. Көп нәрсе кәсіпкерлердің өздеріне де байланысты. Яғни тиісті құжаттарын түгендеп уақытында ұсынулары қажет.

Дәуренбек Әбдібек