Тасқыннан зардап шеккендерге мемлекеттік қолдау жалғасып жатыр

Мемлекет басшысының тапсырмасы бойынша су тасқынынан зардап шеккен азаматтарға келтірілген шығынды өтеу жұмыстары әлі жалғасып жатыр. Атап айтсақ, 24 641 отбасы біржолғы төлем алды. Мал шығыны үшін берілген көмек көлемі 1,3 млрд теңгеден асты. Ал 202 отбасы жаңа пәтерге ие болды. Ақтөбе, Батыс Қазақстан, Солтүстік Қазақстан және Павлодар облыстарында зардап шеккен азаматтарға арналған 658 жаңа үй салынып жатыр. Сонымен қатар, 596 отбасына 878 млн теңгеден астам сомаға тұрғын үйді жөндеуге өтемақы төленді. Зардап шеккен өңірлерде 10 740 тұрғын үй тексеріліп, 8 168 нысан бойынша бағалау жүргізілді.

Тәуірбек Бозекен