Тасқыннан бұзылған жағалауды жөндеуге 80 млн теңге бөлінді

Ақтөбе қаласының ортасымен ағып өтетін Сазды өзенінің жағалауын жөндеу үшін 80 миллион теңге бөлінді Көктемгі су тасқыны кезінде шаһардың орталық көшесіне едәуір залал келген еді.

Өзен арнасынан асып, су көшеге жайылды. Ал шағын көпірдің астымен ағып үлгермеген сеңдер қоршауларға соғып, зақым келтірді. Бүлінген жағалау бір айдан астам уақыттан бері шаһардың көркін кетіріп тұрған еді. Дегенмен қалпына келтіру жұмыстары басталды. Бұл жердегі жаяу жүргіншілер жолағы да қайта жөнделеді. Мердігер мекеме өздеріне бекітілген жұмысты 2 ай шамасында аяқтауы тиіс.

Жақсыбек Кемал