Ақтөбе облысының Ырғыз ауданында екі ауылға қатынас жоқ

Қазір Жайсаңбай елдімекенінде 65 адам судың бағытын бұру, аулаларды тазарту жұмыстарын атқарып жатыр. Оның елуі – ерікті, қалғаны әскери қызметкер. Ауыл адамдары бұған дейін аудан орталығына эвакуацияланған болатын. Елдімекенде тек ер адамдар ғана бар. Оларға азық-түлік пен дәрі-дәрмек қайықпен жеткізіліп жатыр. Мамыр ауылында да осындай жағдай. Жол қатынасы үзілгендіктен, көліктер көршілес Дүкен ауылы арқылы жүріп жатыр.

Асқар Уәли, Ырғыз ауданы әкімінің орынбасары:

Тіке байланысты іске қосу үшін су өткізгіш құбыр салу жүзеге асырылуда. Құбыр құрылысы аяқталғаннан кейін тікелей жол қатынасы жүзеге асырылатын болады. Алайда ауылға азық-түлік, дәрі-дәрмек уақытында жеткізіліп отыр. Мамыр ауылының негізгі бөлігі Ырғыз ауылына кезінде эвакуацияланған болатын.

Жақсыбек Кемал