Жаңалықтарды Telegram арнамыздан оқыңыз!Мемлекет басшысы Қасым-Жомарт Тоқаев Ішкі істер министрін қабылдады. Ержан Сәденов Президентке еліміздегі криминогендік ахуал туралы мәлімет берді. Жыл басынан бері қылмыс деңгейі төмендеген. Ұрлық, тонау, қарақшылық, бұзақылық секілді құқық бұзушылықтардың саны айтарлықтай азайған. Кездесу соңында Президент еліміздегі құқықтық тәртіп пен қоғамдық қауіпсіздік деңгейін одан әрі арттыру жөнінде бірқатар тапсырма берді.
Ержан Сәденов, ҚР Ішкі істер министрі:Мемлекет басшысына есірткі, кибер және ұйымдасқан қылмыстарға қарсы іс-қимыл, құқық бұзушылық оның ішінде тұрмыстық саладағы профилактика, су тасқыны салдарын жою көші-қон бақылауы, жол қауіпсіздігі, аттестация барысы туралы баяндадым.
Досжан Маратұлы
