Абай облысында жолдар жыл соңына дейін жөнделеді

Абай облысында қайта жаңғыртудан өтіп жатқан «Қалбатау-Майқапшағай», «Талдықорған-Қалбатау-Өскемен» жолдары жыл соңына дейін жөнделеді. Президент Үкіметке осы жолдардың құрылысын аяқтауды тапсырған болатын. Қазір «Қалбатау-Майқапшағай» жолының Абай облысына қарасты 184 шақырымындағы 2-ші және 3-ші учаскесінде асфальттың бірінші қабаты төселіп жатыр.

Айбек Әнуарбеков, «Қазавтожол» ҰҚ» АҚ Абай облысы филиалының директоры:

Жалпы, мына қиындық болып тұрған көктем айындағы тасқын сулар да кері әсерін тигізіп жатыр. Шайып кеткен жерлерді қалпына келтіру жұмыстары жүргізіліп, қазір ол бағыттағы жұмыстар аяқталды деуге болады. Жалпы, биылғы жылдың соңына «Талдықорған-Қалбатау-Өскемен» жолын толықтай бітіру жоспарда бар және Қалбатаудан Майқапшағайға көлік қозғалысын ашу жоспарымызда бар.

Ержан Жақып