Шыбын-шіркейді улауға 105 млн теңге жұмсалады

Батыс Қазақстан облысында биыл маса мен шыбын-шіркей улауға 105 млн теңге бөлінді. Алайда тасқын салдарынан су жайылған кей аумақтарды дезинсекциялау мүмкін болмай тұр. Өйткені, зиянкестердің дернәсілдері шоғырланған саяжайлар мен сай-сала суда тұр. Дегенмен, жағалауды зарарсыздандыру басталған. Мамандардың айтуынша, бұл дәрілердің шыбын-шіркейден басқа адамға, судағы тіршілікке, қоршаған ортаға зияны жоқ. Биылғы су тасқынынан соң маса мен шыбын-шіркей күрт көбейеді деп болжанып отыр. Жағалаумен қоса, тынымбақ, қоғамдық орындар да дезинфекцияланады. Тұрғындардың өтініштері де ескерілмек.

Қанат Өмірәлиев, облыстық Энергетика және түкш басқармасы басшысының орынбасары:

Үш мың гектар жер уланып отыр қазіргі таңда. Алдымен, барып анықтайды, кейін улайды. Қазір кейбір жерлерге біз бара алмай отырмыз. «Телеорталық» ауданы, 1, 2-ші саяжайлар, өйткені су деңгейі әлі түскен жоқ. Су тасқынына байланысты жылда есептеп жүрген 13 мың гектарымыз екі есе ұлғайып отыр.

Ардақ Мұратқызы