Канадада өрт салдарынан мыңдаған адам көшірілді

Канадада орман өрті 10 мың гектар аумақты шарпыды. Тілсіз жау елдің батысында қаулап жатыр. Жағдайды күшті жел мен құрғақ ауа райы ушықтыра түскен. Жалын қаупі төнген аудандардан мыңдаған адам қауіпсіз жерге көшірілді. Тағы мыңдаған адамға эвакуация туралы ескертілген. Өрт Канаданың 5 провинциясына, сондай-ақ АҚШ-тың солтүстігіне де тарады. Синоптиктердің хабарлауынша, күн қатты ысып, өрт қаупі күшеюі мүмкін.

Арай Төлеген