Жайық өзенінің Теректі ауданы тұсынан 7 адам құтқарылды

Жайық өзенінің Теректі ауданы тұсынан 7 адам құтқарылды. Өзен бойымен жүзуді жоспарлаған адамдардан эвакуациялау туралы хабар түскен. Оқиға орнына облыстық Төтенше жағдайлар департаментінің жедел құтқару жасағы мен 12-ші өрт сөндіру бөлімшесінің күш құралдары барған. Құтқарушылар дронның көмегімен Сәуір жары туристік аймағынан 7 адамды тауып, қауіпсіз жерге шығарды. Олар балықшы болып шықты. Қайықтарын ағын алып кетіп, жағалауға өз беттерімен жете алмай қалған. Жалпы облыс бойынша төтенше жағдай режимі сақталып отыр.

Ардақ Мұратқызы