Қостанай облысында тасқыннан зардап шеккендерге 115 пәтер берілген

Қостанай облысында тасқын кезінде 1 136 үйге су кірген. Бүгінгі күні соның 1 114-іне техникалық тексеру жүргізу аяқталды. Тексеру қортындысына сәйкес, 400-ден астам үй қалпына келтіруге келмейді. 700-ге жуығына жөндеу қажет. Осы уақытқа дейін тасқыннан зардап шеккендерге 115 пәтер берілген. 68 жеке үйдің құрылысы жүріп жатыр. Арқалық және Қостанай қалаларында да көпқабатты тұрғын үйлер салынады. Құрылысқа қажетті қаржы республикалық резервтен және демеушілерден бөлінеді.

Мәди Өтегенов, облыстық Сәулет және қала құрылысы басқармасының бөлім басшысы:

Қазақстан Халқына қоры арқылы Қостанай ауданында 50 пәтер, Арқалық қаласында 34 пәтер сатып алынды. Тағы осы қор арқылы Амангелді және Жангелдин аудандарында тұрғын үйлердің құрылысы жүріп жатыр.

Дәуренбек Әбдібек