Ақмола облысында 359 үй тұруға жарамсыз

Ақмола облысында суда қалған 1800-ден астам үйдің 359-ы тұруға жарамсыз. Қалғанын қалпына келтіруге болады. Комиссия осындай шешім қабылдады. Облыс әкімдігінің мәліметінше, тамыз айының ортасына дейін Бұланды және Жарқайың аудандарында 87 баспана салынбақ. Атбасар қаласында да қауіпті аймақта тұратын халыққа жаңа үй беріледі. Қазір жұмыс кестесі құрылып, мердігерлер анықталды. Ал өзге аудандарда тасқыннан зардап шеккен тұрғындарға жаңа пәтерлер сатып алынады.

Алтынай Жақыпова, Көкшетау қаласының тұрғыны:

Бізге үш бөлмелі пәтер береді. Біз өте қуаныштымыз.Дайын пәтер. Біз өзіміз таңдадық.

Ұмсындық Наурызбаева