Алматы циркінің әртістері әлемге әйгілі «Британия таланттарды іздейді» шоуында ерекше өнер көрсетіп, екінші кезеңге жолдама алды.
Көрермендер мен қазылар алқасы қазақ әртістерінің кәсіби шеберлігіне орнынан тұрып, қошемет көрсетті. Танымал шоуда Батыр Жанұзақ, Марлен Маратов және Зарина Дигарбекова күрделі акробатикалық нөмір орындады. Әртістердің бірі баспалдақпен көтеріліп, екіншісі оның басына қолын қойып, бір қолымен тірек жасаған. Акробаттар тепе-теңдікті сақтай отырып, шеберлігімен таң қалдырған. Қазақстандық қатысушылар 17 мамырда өтетін жобаның екінші кезеңіне өтті. Бұл бағдарлама - британиялық таланттар арасында танымал реалити-шоу. Жоба жеңімпаздары ақшалай сыйлыққа және корольдік отбасы қатысатын қайырымдылық шарасында өнер көрсету мүмкіндігіне ие болады.
Қуан Нұрақын
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Алматы циркінің әртістері әлемдік шоуда өнер көрсетті&mh_tags=Qazaqstan&mh_page=https://qazaqstan.tv/news/193410/)