Жаңалықтарды Telegram арнамыздан оқыңыз!Бурабай курорттық аймағында велосипед теуіп жүрген 16 жастағы жасөспірім ағашқа соғылып, көз жұмды. Ол демалыс орнына сыныптастарымен бірге Астана қаласынан келгені анықталды. Кейін жалға велосипед алып, серуенге шыққан. Полицейлердің мәліметінше, жасөспірім жардан түсіп келе жатқан кезде рөлге ие бола алмай, қатты екпінмен ағашқа соғылған. Ауыр жарақат салдарынан ол оқиға орнында қаза тапты. Қазір қауіпсіздік талаптарына сай келмейтін қызмет көрсету дерегі бойынша қылмыстық іс қозғалды. Сотқа дейінгі тергеу басталды.
Ұмсындық Наурызбаева
