Израиль ел аумағында «Әл-Жазира» кеңселерін жапты

Израиль аумағында катарлық «Әл-Жазира» телеарнасының кеңселері жабылды. Мұндай шешімді Израиль билігі қабылдады. Премьер-министр Биньямин Нетаньяху кабинетінің мәлімдеуінше, «Әл-Жазира» желісі ұлттық қауіпсіздікке қатер төндіреді. «Би-Би-Си»-дің хабарлауынша, Израиль үкіметі телеарнаны «Хамастың насихат құралы» деп атаған. Әзірге телеарнаның жұмысы қашанға дейін тоқтайтыны белгісіз. Ал «Әл-Жазира» болса, Израильдің шешімін «қылмыстық әрекет» деп мәлімдеді. Бұған қоса, телеарна Израильдің қауіпсіздігіне қатер төндіреді деген айыптауды «қауіпті әрі күлкілі» өтірік деп атады. БҰҰ-ның Адам құқықтары жөніндегі басқармасы тәрізді бірқатар ұйымдар да Израиль аумағында «Әл-Жазира» кеңселерінің жабылуын сынға алды.

Арай Төлегенқызы