Жаңалықтарды Telegram арнамыздан оқыңыз!Жайықтың Атыраудағы тұсында ағыс күшейді. Нөпір суды бірінші болып қабылдайтын Индер ауданында су 47 см-ге көтеріліп, жалпы деңгейі - 797 см-ге жетті. Қауіпті меже – 845 см. Бұл аймаққа келіп кетер қауіп жоқ. Себебі Индер ауданы теңіз деңгейінен едәуір жоғары орналасқан.
Ал, Махамбеттегі жағдай елді алаңдатып отыр. Қауіпті деңгейге жарты метрден аз қалды. Гидробекетте су деңгейі - 814 см-ді көрсетіп тұр. Қазір аудандағы жедел штаб күшейтілген жұмыс режиімен көшті. Атырау қаласында су деңгейі 14 см-ге көтеріліп, 473 см-ге жетіп отыр. Тасқынның алдын алу мақсатында өңірде 515 шақырымнан астам бөгет тұрғызылған. Жаға бекіту жұмыстары аяқталуға жақын.
