Жаңалықтарды Telegram арнамыздан оқыңыз!Тасқыннан ардап шеккен өңірлерге, Астанадан «Саламатты Қазақстан» медициналық пойызы жолға шықты. Жылжымалы медицина 140 елдімекенді аралайды. 90 мың тұрғын тегін медициналық көмек ала алады. Денсаулық сақтау вице-министрі Тимур Сұлтанғазиевтың сөзінше, азаматтар, тіпті шағын хирургиялық операциялар жасатуға және тісті емдеуге мүмкіндік алады.
Тимур Сұлтанғазиев, ҚР Денсаулық сақтау министрінің бірінші орынбасары:
«Саламатты Қазақстан» медициналық пойызы шалғайдағы адамдарға медициналық көмек көрсету мақсатында жолға шығады. Ең бірінші су тасқынынан зардап шеккен елді-мекендердің тұрғындары көмек алады. Бұл жобаға 30 маман, оның ішінде 15 дәрігер жұмылдырылды. Қажетті барлық құрал-жабдық бар.
