Жаңалықтарды Telegram арнамыздан оқыңыз!
Бүгін Мемлекеттік Кеңесші Ерлан Карин Әлкей Марғұлан атындағы археологиялық институтында белгілі тарихшы ғалымдармен кездесті. Кездесуде Мемлекет басшысының «Тәуелсіздік бәрінен қымбат» атты мақаласында берілген тапсырмаға сәйкес дайындалып жатқан «Қазақстан тарихы: ежелгі дәуірден бүгінге дейін» көптомдық академиялық басылымның әзірлену барысын талқылады.
Жиында әр том бойынша жетекшілер материалдың ғылыми негізділігі мен бірыңғай безендіру жұмыстары жүріп жатқандығын айтты. Мемлекеттік кеңесші бұл ғылыми жобаны жүзеге асыру барлық тарихи фактілерді, материалдар мен құжаттарды жан-жақты зерделеуді қажет ететінін атап өтті. Көптомдықты әзірлеуге 5 ғылыми институт, еліміздің 250, ал шетелден 60-тан астам тарихшы ғалымдары жұмылдырылды. Ал кітапқа 40-тан аса археологиялық зерттеу жұмыстары мен 300-ге жуық еңбек енгізілмек.
Айдана Қуантхан
