Құлсарыда 3 мыңнан астам тұрғын қоғамдық штабтың қызметіне жүгінген

Атыраудағы гидропосттағы су деңгейі бүгін 4 метр 34 см-ге жетті. Жаға бекіту жұмыстары тоқтаған жоқ. 500 шақырымға жуық бөгет салынды. Қатты зардап шеккен Құлсары қаласында 3 мыңнан астам адам қоғамдық штабтың қызметіне жүгінген. Олар тасқыннан зардап шеккен тұрғындарға құқықтық-консультациялық көмек көрсетуде. Сонымен қатар, гуманитарлық көмекті төрт пункт арқылы таратуды және дәрі-дәрмекті сырқат адамдарға медициналық қызметкер арқылы жеткізіп отыру мәселесін де жолға қойған.

Ерқұл Дәулетбаев, аудандық қоғамдық штабтың төрағасы:

Волонтерлер әр жерлерде жүріп, өз дегенін жасап жүрді. Бөлек-бөлек штабтар, бөлек-бөлек топтар пайда болды. Теріс ақпараттар жүргізіп жатты. Осылардың барлығын біріктіріп, жөнге қою үшін біздің функциялар болды, сол функциямен жұмыстарды істедік.

Нұрсұлтан Нұрсейіт