Қазақстан Ауғанстанға автокөлік экспорттамақ

Қазақстан Ауғанстанға автокөлік экспорттамақ. Қазақстандық делегацияның Таяу Шығыс еліне ресми сапары барысында 35 компания өз өнімдері мен қызметтерін ұсынды. Әсіресе Ауған кәсіпкерлерінің арасында ауыл шаруашылығы өнімдеріне сұраныс жоғары. Бизнес-форум қорытындысы бойынша 12 млн доллардан астам сомаға күнбағыс майы, дәнді дақылдар мен ұн жіберу туралы келісімдерге қол жеткізілді. Одан бөлек, бизнес өкілдері мотор майына үлкен қызығушылық танытып, отандық жеткізушілермен аталған тауарды жеткізуге келісімшартқа қол қоюды жоспарлап отыр.

Серік Жұманғарин, ҚР Премьер-Министрінің орынбасары:

Орталық Азия елдерінің ішінде Ауғанстан Қазастанмен екң көп сауда жасайды. Біз бұл бағыттағы жұмысты одан әрі күшейтуге дайынбыз. Ауғанстанның ресми делегациясының Қазақстанға соңғы сапарының қорытындлысы бойынша біз тауар айналымын 3 млрд долларға жеткізу міндетін қойдық.