Ақтөбе облысының Темір ауданына жаңадан 21 үй салынады

Ақтөбе облысының Темір ауданына жаңадан 21 үй салынады. Тағы 29 тұрғынға дайын баспаналар сатып алынады. Аудан бойынша 91 тұрғын үй мен кәсіпкерлік нысандарына су кірген еді. Комиссияның қорытындысы бойынша 40 баспанаға жөндеу жұмысы жүргізілетін болды. Тасқынан ең көп зардап шеккен – Құмсай ауылы. Мұнда 39 отбасы бірреттік өтемақы алған. Елдімекеннің шетіндегі биік аумаққа 21 үй тұрғызылады. Қазір тұрғындар жергілікті мұнай компанияларының бірі берген вагондарда уақытша тұрып жатыр.

Еділхан Жүндібаев, Құмсай ауылының тұрғыны:

Менің үйім суға кетті,аласалау жерде.Менің өзімнің қырым бар, соны мамандарға көрсеттім,сол жерге салуға болады ма деп. Болады деді. Қазір тағы қарайды. Жаз үй,қора – бәрі құлады. Магазин бар, оның шіне де су кірді, ракушняк болғасын қалды.

Жақсыбек Кемал