Су тасқыны: 3 ірі компания тұрғын үйлерді қалпына келтіруге 60 млрд теңгеге дейін бөледі

Солтүстік Қазақстан облысындағы тұрғын үйлерді қалпына келтіруге Kaspi, Kazakhmys және KAZ Minerals акционерлері мен басшылары 60 млрд теңгеге дейін қаражат бөледі. Мұны аталған өңірге барған Премьер-Министрдің орынбасары Қанат Бозымбаев айтты.

Компания басшылары да аймаққа барып, тұрғындармен кездесті. Су тасқыны басталғалы облыстағы 4 мыңға жуық үйді су басқан. Саяжай аумағы да айтарлықтай зардап шекті. 6 мың 597 учаскеге су жайылған. Облыс әкімдігінің мәліметінше, су басқан тұрғын үйлердің 40 пайызы тұруға жарамсыз болуы мүмкін. Үйсіз қалғандар жатақханада уақытша тұрып жатыр. 3 мың 383 отбасы 100 АЕК көлемінде бірреттік жәрдемақы алды. 1600-ден астам отбасына 600 миллион теңге қосымша төлем қарастырылған.

Торғын Мелісқызы