Әлемде Эль-Ниньо және Ла-Нинья климаттық құбылыстары жиі болуы мүмкін

Әлемде Эль-Ниньо және Ла-Нинья климаттық құбылыстары жиі болуы мүмкін. Оңтүстік америкалық ғалымдар осылай деп мәлімдеп отыр. Олардың айтуынша, алдағы жылдары екі феноменнің бірін-бірі алмастыруы, температура құбылуы тезірек жүретін тәрізді. Яғни аптап ыстық, суық, жаңбыр және қуаңшылық жиі қайталанады.

Эль-Ниньо мен Ла-Нинья әлемнің түрлі бөліктерінде әрқалай көрініс табады. Мысалы, Латын Америкасында олар бидай, соя және жүгері өсіруге кері әсер етті. Салдарынан ауыл шаруашылығына тәуелді елдердің экономикасы нашарлады. Перу биыл соңғы 60 жылдағы ең жылы қыс мерзіміне куә болды. Ал Аргентина мен Чилиде нөсер жауын жиі жауған.