Көкшетау қаласында тасқыннан зардап шеккен тұрғындарға пәтер берілді

Көкшетау қаласында су тасқынынан зардап шеккен сегіз отбасыға пәтер кілттері табысталды. Олардың баспаналары табиғи апаттың салдарынан бүлініп, тұруға жарамсыз болып қалған. Жалпы өңірде 800-ден астам үйге су кірген. Бүгінге дейін мыңнан астам тұрғые біржолғы әлеуметтік төлемді алған. Ал Ақкөл, Аршалы, Ерейментау, Жақсы, Зеренді, Целиноград аудандарындағы 74 үйге жөндеу жұмыстарының қаражаты толыққанды төленді. Су астында қалған баспаналарды бағалау жұмыстары әлі де жалғасуда.

Ұмсындық Наурызбаева