Жаңалықтарды Telegram арнамыздан оқыңыз!Атырау облысында Жайық өзеніндегі су деңгейі көтеріліп келеді. Аймақтағы жедел штабтың соңғы ақпаратына сәйкес, Индербор кентіндегі бекетте су 7 сантиметрге көтеріліп, 604 см-ге, яғни 6 метр 4 см-ге жетті. Сондай-ақ, Жайықтың Махамбет кентінің гидропостындағы су тәулік ішінде 6 см-ге дейін жоғарылаған. Жайықтың Батыс Қазақстан облысындағы аумағында судың түсуі байқалады. Атап айтқанда, Январцево ауылында 7, Оралда 2, Көшімде 1 сантиметрге төмендеген. Ақжайық ауданының әкімі Мұрат Сердалин Жайық өзенінің суы аудан аумағынан төменге өтіп жатқанын жеткізді. Жалпы, жағдай қалыпты. Бөгеттерді нығайту, биіктету жұмыстары әлі жалғасып жатыр.
Самал Қабышева
