Тәжікстаннан гуманитарлық көмектің екінші бөлігі жеткізілді

Тәжікстаннан су басқан аймақтарға гуманитарлық көмектің екінші бөлігі жеткізілді. Ақтөбеге жеткен 9 вагонға құрылыс материалдары тиелген. 240 тонна цемент, 70 тонна ағаш, 60 тонна шеге және шифер бар. Жалпы елдегі су тасқынынан зардап шеккен өңірлерге Тәжікстан үкіметі тарапынан бұған дейін 50 вагон гуманитарлық көмек жеткізілген еді. 9 облысқа 2,5 мың тоннадан аса қажетті зат берілді. Жүкті қабылдап, үйлестіру жұмыстарына әскерилер қолғабыс етіп жатыр.

Досжан Маратұлы