Шымкент қаласынан Батыс Қазақстан облысын 25 тонна гуманитарлық көмек жіберілді

«Жүректен жүрекке» акциясы аясында бүгін Шымкент қаласынан Батыс Қазақстан облысына 25 тонна гуманитарлық көмек жіберілді. Бұл жолы мегаполис кәсіпкерлері апат аймағына аса қажетті саналатын киім-кешек пен электро құралдар жіберіп отыр. Сондай-ақ құрылысқа қажетті заттар және су кешіп жүруге арналған киімдер мен қорғаныш құралдарын тиеді. Қазір мегаполисте арнайы штаб құрылып, қайырымдылық көмегі екі орынға жиналуда. Шымкенттіктер бұған дейін 100 тоннадан астам гуманитарлық көмекті Атырау, Солтүстік Қазақстан облысы мен Орал қаласына жөнелткен болатын.

Сәбира Адамбекова, қалалық Кәсіпкерлік палатасының басшысы:

Жалпы кәсіпкерлерден 200 миллион теңгенің көмегі кетті. Оның ішінде қаржылай және арнайы техникалар кетті. Көбінесе отандастарымыз үйсіз болғандықтан көрпе төске жіберіп жатырмыз.

Ғани Қалмаханов