Ақмола облысында тасқын кезінде 153 бас мал өлген

Ақмола облысында тасқын кезінде 153 бас мал мен 400-ге жуық құс қырылып қалды. Облыстық Ветеринария басқармасының мәліметінше, төрт түліктің шығыны тек Бұланды ауданындағы Журавлев, Капитонов және Иванков ауылдарында тіркелген. Қазіргі таңда өлекселерді жою жұмыстары толық аяқталды. Енді шығын есептеліп жатыр. Жалпы өңірде тасқын кезінде 26 мыңнан астам мал қауіпсіз жерге көшірілген.

Ағыбай Сыздықов, облыстық Ветеринария басқармасы басшысының міндетін атқарушы:

Өлімге ұшыраған малдар ауылдардың сырттарына шығарылып, скотомогильникке апарылып, жағылды. Бүкіл ветеринариялық жұмыстар өткізілді. Аурудың, инфекцияның таралуына ешқандай жол берілген жоқ.

Ұмсындық Наурызбаева