Астанада вандализмге қарсы акция өтті

«Тоқта, вандал!!». Осындай атаумен Астанада акция өтті. Мақсат - қоғамдық мүліктің бүлінуіне жол бермеу. Заңбұзушылық әрекеттерге қарсы күреске қоғамның назарын аударту. Іс-шара барысында волонтерлер адам көп шоғырланған орындарды тазартып, есірткіні жасырын насихаттайтын көше жарнамаларын жойды. Ал, полиция қызметкерлері тұрғындарға түсіндіру жұмыстарын жүргізді.

Арсланбек Мағзұм, Астана қалалық мәслихатының депутаты:

Өздеріңіз білетіндей бізде осы елордамызда алдыңғы жылдан бастап «СТОП, ВАНДАЛ» акциясы бастау алған болатын. Оның басты мақсаты осы жасөспірімдерімізге, жастарымызға жалпы дұрыс бағыт бағдар беру. Және де өздеріңіз білетіндей кейбір парктарда бұзақы адамдар жазуларын қалдырады, сындырып қояды осыған байланысты біз, елорданың белсенді жастары болып осындай акцияны ұйымдастырғалы отырмыз.

Мәди Бижан