Жаңалықтарды Telegram арнамыздан оқыңыз!
Алматы облысы Іле ауданында 2 мыңға жуық оқушы онлайн оқып жатыр. Бұған білім ошағының апатты жағдайда тұруы себеп, - дейді жауаптылар. Ащыбұлақ ауылындағы мектептің наурыз айындағы жер сілкінісінен кейін қабырғалары қақырап, төбесіне сызат түскен. Бұған алаңдаған ата-аналар мектеп әкімшілігінен оқушылардың қашықтан оқуын талап еткен. Аудандық білім бөлімі ғимараттың жарамды не жарамысыз екенін анықтайтын сараптаманың қорытындысын күтпестен балаларды онлайн форматқа ауысған. Мектеп 2016 жылы пайдалануға берілген. Ал сараптаманың қорытындысы қашан дайын болатыны белгісіз.
Сырым Әлішер, Іле аудандық білім бөлімі басшысының міндетін атқарушы:
Білім басқармасына және құрылыс басқармасына хат нәтижесі бойынша, шешім бойынша мектепті онлайн форматқа жіберу туралы шешім қабылдадық. Ұсыныс хат жолдадық білім мекемесіне. Ары қарай мектеп директорының бұйрығының негізінде оқушылар 4-ші тоқсанда онлайн форматқа көшті.
