Ресейдің төрт өңірінде төтенше жағдай режимі сақталады

Ресейде су тасқынымен күрес әлі жалғасып жатыр. Жағдай тұрақталған жоқ. Тобыл өзенінің деңгейі 12 см-ге дейін көтеріліп, мамандар қауіпті деп белгілеген межеден асқан. Қазір тұрғындарды құтқару-эвакуациялау жұмыстары жалғасып жатыр. Оған 4 мың 400 маман мен 1 мыңнан астам техника жұмылдырылған. Орынбор облысында 17 мыңға жуық адам қауіпсіз жерге көшірілді. Орскіде/ әлі 2400-ден астам үй су астында. Орынбордың өзінде су тасқынынан келген шығын/ 40 млрд рубльден асып отыр. Орынбор, Қорған, Түмен облыстары мен Бурятияның кей аудандарында, төтенше жағдай режимі сақталады.