Астана, Алматы және Семей қалаларынан су басқан аймақтарға 100 ерікті аттанады

Су басқан аймақтарға Астана, Алматы және Семей қалаларынан 100 ерікті аттанады. Олар бөгет жасау, инфрақұрылымдарды қалпына келтіру және зардап шеккендерге көмек көрсету жұмыстарымен айналысады. Қол ұшын созамын деген 18 бен 30 аралығындағы азаматтар Алматы мен Астана қалаларындағы «Жаңа адамдар» орталықтарына барып тіркеле алады. Зардап шеккен өңірлерге гуманитарлық көмек ретінде қажетті заттарды да тапсыруға болады.

Назерке Құдайбергенова, «Жаңа адамдар» жастар қозғалысының өкілі:

Біз қазіргі таңда су алып жатқан аймақтарға адамдарды жіберумен айналысудамыз. Яғни, топтарды жинап, екі жақты трансферді, жататын орнын, тамақтарының барлығын біздің мекеме қамтамасыз етеді. Яғни, «Бәрімізге қатысты» науқанына кез-келген қазақстандық өзінің бойына жауапкершілік алып, қатыса алады.

Қуан Нұрақын