Жаңалықтарды Telegram арнамыздан оқыңыз!Астанадан Батыс Қазақстан облысына 20 тоннадан астам гуманитарлық көмек жолға шықты. «AMANAT» партиясы Астана қалалық филиалының қолдауымен қайырымдылық қорлары және қала тұрғындары бірігіп, зардап шеккен азаматтарға қажетті заттарды жинастырған. Жүк көлігіне көрпе-төсек, шаруашылыққа керекті құрал-жабдықтар, су өткізбейтін аяқ киімдер мен азық-түлік тиелді. Жоспар бойынша алдағы уақытта тағы да материалдық көмек жөнелтілуі мүмкін. Бұған дейін елордадан Қостанай, Батыс Қазақстан, Ақтөбе облыстарына 100 тоннадан астам жүк жіберілді.
Мұхаммед Болысбек, «Amanat» партиясы Астана қалалық филиалының атқарушы хатшысы:
Батыс Қазақстан облысына баратын болады. Яғни, бүгін жібереміз. Бір күннің көлемінде жетеді деп жоспарлап отырмыз. Бұл көмекті жинау барысында Батыс Қазақстандағы өңірлерден керекті, яғни, нақты не керек сұрастырып, сол заттарды түсіріп соған байланысты жинап отырмыз.
Динара Жақыпбек
