Павлодар облысында аса ауыр қылмыс жасағандар мектеп пен балабақшаларда жұмыс істеген

Павлодар облысы, Железинка ауданының балабақшалары мен мектептерінде, аса ауыр қылмыс жасап сотталған және психикалық сырқатқа шалдыққан адамдар жұмыс істеген. Мәселен, кісі өлтіргені үшін түрмеде жазасын өтеп келген ер адам, 5 жыл бойы балабақшада еңбек еткен.

Ал, бірнеше мектепте, адамды қатыгездікпен ұрып-соққаны үшін жауапқа тартылған жандардың жұмыс істегені анықталды. Прокурорлық тексерістен соң, бұл адамдар дереу жұмыстан шығарылды.

Болат Аманбаев