Су тасқыны: Тасқын басталғалы 108 мыңнан астам адам эвакуацияланды

Ел ішінде тасқын басталғалы бері 108 мыңнан астам адам қауіпсіз жерге көшірілді. Олардың 12 мыңға жуығы үйлеріне қайта оралған. Қазіргі таңда 7500 адам уақытша орналастыру пунктерінде. Олардың ішінде 3000-нан астамы - балалар. Бұл туралы Төтенше жағдайлар министрлігі комитетінің аға офицері Ерасыл Сайпаш Республикалық ақпараттық штабта өткен брифингіде мәлім етті. Апаттық-құтқару жұмыстарына 33 мыңға жуық адам, 3700-ден астам техника, 770-тей су сорғыш, 255 жүзу құралы және 14 әуе кемесі жұмылдырылған.

Ерасыл Сайпаш, ҚР ТЖМ Азаматтық қорғаныс және әскери бөлімдер комитетінің аға офицері:

Есіл өзенінде су деңгейінің көтерілуіне байланысты Солтүстік Қазақстан облысы Петропавл қаласы мен Қызылжар ауданында елдімекендерінде халықты эвакуациялау жүргізілді. Эвакуациялау жұмыстары жалғасуда. Еліміздің 8 өңірінде Ақтөбе, Қостанай, Батыс Қазақстан, Ақмола, Қарағанды, Атырау, Солтүстік Қазақстан және Ұлытау облыстарында жергілікті ауқымдағы 36 ТЖ әрекет етеді.

Қаракөз Тұрмағамбет