БҚО-да 12 эвакуациялық орталықта 13 мың адам бар

Денсаулық сақтау министрі Батыс Қазақстан облысына барып, эвакуацияланған тұрғындармен кездесті. Ақмарал Әлназарова Қаратөбе кентіндегі аудандық ауруханада және 77 адам орналасқан уақытша тұру пунктінде болды. Әр түрлі созылмалы ауруы бар 11 адам стационарға немесе санаторийге емделуге жіберілетін болды. Министр Орал қаласындағы 12 эвакуациялық пункті де аралады. Онда 13 мыңнан астам адам орналасқан.

Ақмарал Әлназарова, ҚР Денсаулық Сақтау министрі:

Қазіргі таңда зертхана жұмыстары екі еселенген. Ұлттық сараптама орталығының Батыс Қазақстан облыстық филиалының ауыз су мен тамақ өнімдерінің сапасын бақылауда шешуші рөл атқаратын зертханаларының жұмысын бақыладық. Мұнда күн сайын су мен азық-түлік үлгілері бойынша зерттеулер жүргізіліп жатыр. Жалпы мұнда мамандардан тапшылық жоқ.