Алматыдан Оралдағы су тасқынын жоюға арнайы техника жіберіледі

Алматыдан Оралдағы су тасқынын жоюға арнайы техника жіберіледі. Үкімет басшысының тапсырмасына сәйкес, қала әкімдігі Батыс Қазақстан облысына көмек жөнелтуді жалғастырып жатыр. Бүгінге дейін теміржол арқылы 51 техника жөнелтілген. Оның ішінде самосвал, грейдер, бульдозер және тиегіш бар. Енді осы техниканы басқаратын 400-ге жуық жүргізуші, дәрігер, төтенше жағдайлар және әкімдік қызметкерлері барады. Өңірдің кәсіпкерлері мен ірі құрылыс компаниялары да механизаторлар мен арнайы техникалар ұсынды. Жалпы Оралға 200-ден астам құрал-жабдық жөнелту жоспарланған.

Динара Жарқынбек