Орал қаласына қарасты Желаев кенттік округінде қауіптің алдын алу күшейтілді

Орал қаласына қарасты Желаев кенттік округіне, Жайықтың сағасынан мол су келіп жатыр. Қауіптің алдын алу күшейтілді. Ауылға жақын жердегі демалыс орындарына су жайылған. Тұрғындар бөгет соғып, су келетін сайдың іргесін бөгеп жатыр. Ірі кәсіпорындардан топырақ пен техника алынған. Мамандар, өңірде бөгет жарылды деген ақпараттың жалған екенін мәлімдеді.

Жоламан Дүйсенбаев, ауыл тұрғыны:

Ауылымызды қорғап қалайық деген жастар бар, оқушыларымыз да бар. Оралдан, аудандардан келген жігіттер де бар. Жаңа келіп, көмегін беріп кетті.

Арман Бисембалиев, Желаев кенттік округінің әкімі:

Бүгінгі таңда біздің үйлерге қауіп жоқ. Бірақ су келіп жатыр. Үш-төрт аумақ бар қауіпті. Сол жерге бүкіл техниканы әкеліп, жұмыс істеп жатырмыз.