Жаңалықтарды Telegram арнамыздан оқыңыз!Атырауда Жайықтың жағасын бекітуге барлық күш жұмылдырылдып жатыр. Парламент Мәжілісінің депутаттары осы жұмыстарды атқарып жатқан құтқарушылар және тұрғындармен кездесті. Мәжілісмендер қауіпті аумақтағы жағалай соғылып жатқан дамбаларды көріп, жағдаймен танысты. Депутаттар тасқын судан зардап шеккен Құлсары қаласына да ат басын бұрып, жұртшылықпен жүздеспек.
Қанат Мұратов, Көкарна ауылының тұрғыны:
Күні-түні жұмыстанып жатыр осы ауылды ұстап қаламыз деп. Сақтап қаламыз деп. Техника жағы шамалы болып жатыр. Атсалысып жатыр бәрі.
Нартай Аралбай, ҚР Парламенті Мәжілісінің депутаты:
Жағдай қазір ауыр десек те болады. Қазір бұл жердегі ең басты мәселе Жайық көтерілетін болса үйлерді аман сақтап қалу. Бірінші адам өмірі жасыратыны жоқ. Үлкен апатты жағдай Атырауда қайталанбас үшін жанымызды салуымыз керек.
