Семейде гуманитарлық көмек жинайтын бірнеше пункт ашылды

Семейде су басқан өңірлерге гуманитарлық көмек жинау жалғасып жатыр. Қалада бірнеше пункт ашылды. Қазақстан халқы ассамблеясы өкілдігінде «Жүректен жүрекке» акциясы ұйымдастырылып, тасқыннан зардап шеккендерге көмек беруді бастады. Қоғамдық ұйымдар, кәсіпкерлер, ұлттық мәдени орталықтар қолдау білдіріп жатыр. Тасқынмен күреске 700 ден астам волонтер жұмылды. Қарғын судан жапа шеккен тұрғындарға 35 миллионға жуық қаржы жиналды.

Қазір өңірде жағдай тұрақталғандықтан белсенділер өзге облыс тұрғындарына жәрдемдесуде.

Айдос Төлеуханов «Абай жастары» жастар ресурстық орталығының жетекшісі:

Біздің аудандардағы ахуал тынышталып бір қалыпқа келген болатын. Бірақ, десе де басұқа өңірлерде, басқа облыстарда су тасқыны тоқтар емес. Барлығымызды алаңдатуда. Біз енді Абай облысы болып, Абай облысының жастары болып арнайы гуманитарлық көмекті құрып отырмыз. Осындай кезде еліміз өзінің бірлігін көрсету керек деп ойлаймын. 

Ержан Жақып