Су тасқыны: 97 мыңнан астам адам эвакуацияланды

Су тасқынынан зардап шеккен аймақтарда 97 мыңнан астам адам, оның ішінде 32 мыңнан астам бала эвакуацияланды. Бұл туралы Төтенше жағдайлар министрлігінің ресми өкілі Ерсалы Сайпаш Республикалық штабта баяндады. Қазіргі уақытта уақытша орналастыру пункттерінде 7 мыңнан астам адам орналасқан. Бүгінге дейін 9 млн-ға жуық текше метр еріген қар суы сорылды, 1 млн-нан астам қапшық және 1 млн тонна инертті материал төселді.