Жаңалықтарды Telegram арнамыздан оқыңыз!Үкімет басшысының бірінші орынбасары Роман Скляр Петропавлдың іргесіндегі ауыл тұрғындарын мәжбүрлеп эвакуациялауды тапсырды. Себебі, қауіптің күшті екенін біле тұра, тұрғындардың бейқам отыруына жол беруге болмайды. Үйлерін тастап кетпей отырған жұрт мұны түсінуі керек, деді вице-премьер.
Жергілікті тұрғындарға үндеу жолдаған Солтүстік Қазақстан облысының әкімі Ғауез Нұрмұхамбетов «Біз су тасқынына қарсы барлық қажетті шараларды қабылдап жатырмыз. Ал қазір үлкен су Есіл өзенімен өтеді. Шамамен бір-екі күннен кейін су облыс орталығына жетеді. Прибрежное және Тепличное ауылдарын, Заречный кентін су басу қаупі бар»,- деді. Облыс әкімі тұрғындардан қауіпсіз жерге көшуді, әрі эвакуациялау жұмыстарына түсіністікпен қарауды сұрады.
