Ақмола облысында 461 адам қауіпсіз жерге көшірілді

Ақмола облысы Есіл ауданының Ленинское, Игілік және Свободное ауылдарынан бір тәулікте 461 адам эвакуацияланды. Оның 143-і бала. Облыстық Төтенше жағдайлар департаментінің мәліметінше, кеше Есіл өзенінің деңгейі көтеріліп, Қызыл су көліне құйылған. Салдарынан ол арнасынан асып, жақын маңдағы бірнеше елдімекенге қауіп төндірген. Әзірге қарғын судың қанша үйге кіргені белгісіз. Шығын есептеліп жатыр. Тасқынның салдарын жойып, құтқару жұмыстарына қажетті күш-құрылымдар жұмылдырылған.