Үкімет басшысы жұмыс сапарымен Бішкекке барды

Президент тапсырмасымен Үкімет басшысы қысқа мерзімді жұмыс сапарымен Қырғызстанға барды. Кездесуде Садыр Жапаров екіжақты сауда-экономикалық ынтымақтастықты одан әрі дамытуға бар күш-жігерін жұмсауға дайын екенін жеткізді. Тараптар өзара тауар айналымын 2 млрд АҚШ долларына дейін ұлғайту жөніндегі бірлескен шараларды талқылады. Олжас Бектенов Қазақстан 260 млн АҚШ доллары сомасына 195 тауар позициясы бойынша экспортты ұлғайтуға дайын екенін айтты. Сондай-ақ вегетациялық кезеңде мемлекетаралық пайдаланудағы су шаруашылығы объектілерінің жұмыс режимдерін бекітудің маңызын атап өтті.

Олжас Бектенов, ҚР Премьер-Министрі:

Мемлекеттеріміздің басшылары екі ел арасындағы одақтастық, әріптестікті дамыту мен тереңдетуге ерекше мән береді. Негізгі мақсатымыз жоғары деңгейде қойылған із жүзінде толық және тиімді жүзеге асыру. Ағымдағы жылы біздің іс-қимылымыз екі жақты форматта да ортақ интеграциялық бірлестіктер шеңберінде жаңа оң нәтижелерімен шешілетініне сенімдімін. Жалпы Қазақстан Үкіметі ортақ мүдделерімізге сай келетін барлық мақсаттарға бірлесіп атсалысуға дайын.

Тәуірбек Бозекен