Ақмола, Ақтөбе облыстарында су қоймалары қалыпты режимде жұмыс істеп тұр

Ақмола, Ақтөбе облыстарында тасқынның қауіпті кезеңі аяқталды. Бұл туралы Республикалық ақпараттық штабта Су ресурстары және ирригация министрлігінің ресми өкілі баяндады. Мөлдір Әбдуалиеваның айтуынша, Ақмола және Ақтөбе облыстарындағы ірі су қоймалары шамамен 99 пайызға толған. Бұл өңірлерде су тасқынының қауіпті кезеңі аяқталды. Ал Шығыс Қазақстан облысындағы су қоймаларының толуы 62 пайыз. Бұл өңірде осы апта тасқын болу қаупі жоғары. Батыс Қазақстандағы су қоймаларының толуы да шамамен 65 процент. Барлық су қоймасы штатты режимде жұмыс істеп тұр.

Азамат Бейбітұлы