Сергеев су қоймасы 180 пайызға толды

Мамандардың айтуынша, су торабы қуатының шегінде жұмыс істеп тұр. Нысан 180 пайызға толған. Деңгейі бұрын соңды болмаған межеге жетті. Бөгет үстінен ағып жатқан судың биіктігі 4 метр 20 сантиметр.

Су тасқынына қарсы іс-шараларды үйлестіру жөніндегі республикалық штабтың жетекшісі тікұшақпен Есіл өзенін бақылады. Өзен арнасынан асқан жағдайда су басудың алдын алу және залалды азайту үшін Петропавл қаласының маңындағы бөгеттерді нығайту бойынша жұмыстар тексерілетін болады. Олжас Бектеновтің тапсырмасымен теріскейге 300 әскери, 400 курсант көмекке аттанды. «Президент су тасқынымен күреске барлық күшті жұмылдыру міндетін қойды» деп атап өтті деп атап өтті Премьер-Министр.