Тасқынмен күресте көмекке асыққан әжеге Президент алғыс айтты

Жайық жағасын бекіту жұмысына атсалысқан 92 жастағы атыраулық Орынша Тоқтыбаққызына Президент алғыс айтты. Әжейге Ақордадан жеткен аманатты облыс әкімі Серік Шәпкеновтың өзі барып тапсырды. Қаптарды топырақпен толтырып, бөгет соғу жұмысына көмектескен кейуана Махамбет ауданы, Бейбарыс ауылында тұрады. Өзі тыл еңбеккері. Орынша Тоқтыбаққызы тасқын қаупі төнгенде өзі еңбек еткен мектеп ұжымына көмектесуге шешім қабылдағанын айтты.