Солтүстік Қазақстан облысында су тасқынына қатысты ахуал әлі де күрделі

Солтүстік Қазақстан облысында су тасқынына қатысты ахуал әлі де күрделі. Тұрақты мониторинг жұмыстары жүріп жатыр. Бұл туралы өңір басшысының орынбасары Қанат Дүзелбаев арнайы брифингте мәлімдеді. Оның сөзінше, Сергей су қоймасы 63 пайызға толған. Салдарынан 3 аудан мен Петропавл қаласына қауіп төнді. 845 жеке үйді су шаю қаупі бар. Жалпы алғанда өңір бойынша 25 үй су астында қалды. 100 адам эвакуацияланған. Оның 36-і үйіне қайтарылды. Ауыр техника су басу қаупі бар аудандарға жеткізілді. Тасқынмен күреске облыс бойынша 540 адам мен 233 техника жұмылдырылған.