Сын сағатта сыр бермейік, бірігейік - Абзал Құспан

Үш өзеннің ортасында тұрған Орал қаласында тасқынмен күрес күшейтілген тәртіпте жүріп жатыр. Жағдай жіті бақылауда. Ел азаматтары мемлекет басшысының айналасына топтасып, сын сағатта сыр бермей, табиғи апатты жұдырықтай жұмылып, бес саусақтай бірігіп, бірге еңсеруге үндеді.

Абзал Құспан, ҚР Парламенті Мәжілісінің Депутаты:

Президентіміздің айтқан үндеуіне қосыла отырып, барлығымыз да мемлекет басшысының жанынан табылайық, қолдайық дегім келеді. Қазіргі таңда күн-түн демей, барлық жұмыс атқарылып жатыр. "Ер басына күн туса, етігімен су кешер" дейді. Сондай сын сағаты туды. Мұндай сәтте біз алауыздықты қойып, тек қана бір жағадан бас, бір жеңнен қол шығарып, бірігу арқылы ғана үлкен апатты жеңе аламыз.